زانکۆی نۆڵج یاداشتنامەیەکی لێکتێگەیشتنی لەگەڵ کۆمپانیای Malbray Chemical واژوو دەکات

زانکۆی نۆڵج  یاداشتێکی لێکتێگەیشتنی (MoU) لەگەڵ کۆمپانیای Malbray Chemical واژوو کرد، 

مەبەست لەم لێکتێگەیشتنە بەهێزکردنی هاوکاریی نێوان بواری پەروەردەی ئەکادیمی و کەرتی نەوت و گازە. ئەم هاوکارییە بواری ئەندازیاری نەوت، تەندروستی و سەلامەتی و ژینگە (HSE)، ڕاهێنانی تەکنیکی، پەرەپێدانی فێرخوازان و بەرزکردنەوەی تواناکانی پیشەیی دەگرێتەوە.

بەپێی ئەم ڕێککەوتنەی پێنج ساڵە، هەردوو لایەن لە بوارەکانی وۆرکشۆپ، سیمینار و ڕاهێنانی پیشەیی بۆ خوێندکاران، دەرفەتی ڕاهێنان و کارامۆزی، سەردانی مەیدانی، پرۆژەکانی ساڵی کۆتایی و ئاڵوگۆڕی زانیاریی تەکنیکی هاوکاری دەکەن. 

هاوکات، ڕێککەوتنەکە ئامانجی پەرەپێدانی توێژینەوەی ئەکادیمی و جێبەجێکراو و زیادکردنی دەرفەتی فێرخوازان بۆ ناسین و تێگەیشتن لە پێداویستییە کردارییەکانی کەرتی نەوت و گاز هەیە.