کولێژی پەرستاری لە زانکۆی نۆڵج وۆرکشۆپێکی تایبەتی لەسەر (خوێندنەوەی هێڵکاری دڵ) ئەنجامدا
لە چوارچێوەی بەهێزکردنی لایەنی پراکتیکی و گەشەپێدانی لێهاتووییە پزیشکییەکان، کولێژی پەرستاری لە زانکۆی نۆڵج بە هەماهەنگی لەگەڵ نەخۆشخانەی سەنتەری دڵ و سەنتەری پەرەپێدانی کار و کارسازی، وۆرکشۆپێکی تایبەتی بەناونیشانی "(خوێندنەوەی هێڵکاری دڵ - ECG Interpretation)" ئەنجامدا.
ئەم چالاکییە زانستییە بە سەرپەرشتی مامۆستا ئامینە مراد بەڕێوەچوو، و بە ئامادەبوونی کۆمەڵێک لە کەسایەتییە ئەکادیمی و تەندروستییە دیارەکان بەڕێوەچوو، لەوانە:
د. کەریم بەرزنجی، ڕاگری کولێژی پەرستاری
د. مەروان، ڕاگری کولێژی ئەندازیاری و سەرۆکی لیژنەی پەرەپێدانی کار و کارسازی
د. بێستون و د. محمد، نوێنەرانی وەزارەتی تەندروستی
د. محمد، بەرپرسی پەیوەندییەکان
د. سامان، ڕاگری کولێژی ئیداره
لە میانی وۆرکشۆپەکەدا، تیشک خرایە سەر بەهێزکردنی تواناکانی فێرخوازان و کارمەندانی تەندروستی لە شیکردنەوەی وردی هێڵکاری دڵ و ناسینەوەی نەخۆشییە جیاوازەکانی دڵ لە کاتی فریاگوزارییەکاندا. ئەم دەستپێشخەرییە جەخت لەسەر هەوڵە بەردەوامەکانی زانکۆی نۆڵج دەکاتەوە لە دروستکردنی پردی هاوکاری لەگەڵ دامەزراوە تەندروستییەکان بۆ پێگەیاندنی کادری لێهاتوو.
